'A LUCE
24.08.2014 20:26
'A luce di Giuseppe Carullo
Era 'o cchiù prepotente 'e dint''o Buvero,
Ciccio Bellaria, nu jastemmatore.
Ogni parola na jastemma,n'essere senza core
manisco e traditore.
Se vulette 'nzurà quase pe' sfizio.
'Nce capitaie na povera figliola senza nisciuno.
E ce ne deva tuosseco!
Nun 'a faceva d' meza parola.
Po' venette nu figlio, ma che strazio
pe chillu criature. Era cecato.
Diceva 'a ggente: "Embè Ciccio s''o mmereta!
"'A chillu 'nfame Dio l'ha casticato!!
Ciccio cchiù ghiastemmava p''a disgrazia,
mentre 'a mugliera, mamma sfurtunata,
purtava dint''o core stu martirio.
Miez''a ggente pareva 'Addulurata.
Spitale e cure...medicine e mmiedeche...
Ma nun ce steva niente, niente 'a fa'.
E 'o guaglione crisceva, biondo e pallido,
povero figlio! Int''all'oscurità.
Fuie poco tiempo fa, doppo 'e na visita:
"S'adda operà" - dicette 'o Prufessore.
'A mamma là pe' llà sentette 'e nascere
'a Luce 'e na speranza dint''o core.
Iettero 'o juorno appriesso 'o Policlinico.
Ciccio sagliette....steva pe ghiastemmà....
po' scapuzziaie...se muzzecaie 'o musso.
E nun parlaie.
Era già pronta 'a sala operatoria
cu 'o guagliunciello pronto pe trasì,
quanno 'a mamma 'o pruiette, cu nu palpito
'e fede, na fiùra: "Tiè a mammà!"
A 'o piccerillo l'uocchie lle lucettero...
stennette 'a mano e subbeto tuccaie
'a fiurella d''a Maronna 'o Carmene
- "Ce veco!....'A veco! 'A veco!!!... -
po' strillaie.
Mo' nun ghiastemma cchiù Ciccio Bellaria.
Mo' cchiù 'e quatto parole nun l'accocchie....
E 'o miercurì stà dint''a Chiesa 'o Carmene
c''o figlio 'mbraccio...e 'e llacreme 'int'a ll'uocchie.
Era 'o cchiù prepotente 'e dint''o Buvero,
Ciccio Bellaria, nu jastemmatore.
Ogni parola na jastemma,n'essere senza core
manisco e traditore.
Se vulette 'nzurà quase pe' sfizio.
'Nce capitaie na povera figliola senza nisciuno.
E ce ne deva tuosseco!
Nun 'a faceva d' meza parola.
Po' venette nu figlio, ma che strazio
pe chillu criature. Era cecato.
Diceva 'a ggente: "Embè Ciccio s''o mmereta!
"'A chillu 'nfame Dio l'ha casticato!!
Ciccio cchiù ghiastemmava p''a disgrazia,
mentre 'a mugliera, mamma sfurtunata,
purtava dint''o core stu martirio.
Miez''a ggente pareva 'Addulurata.
Spitale e cure...medicine e mmiedeche...
Ma nun ce steva niente, niente 'a fa'.
E 'o guaglione crisceva, biondo e pallido,
povero figlio! Int''all'oscurità.
Fuie poco tiempo fa, doppo 'e na visita:
"S'adda operà" - dicette 'o Prufessore.
'A mamma là pe' llà sentette 'e nascere
'a Luce 'e na speranza dint''o core.
Iettero 'o juorno appriesso 'o Policlinico.
Ciccio sagliette....steva pe ghiastemmà....
po' scapuzziaie...se muzzecaie 'o musso.
E nun parlaie.
Era già pronta 'a sala operatoria
cu 'o guagliunciello pronto pe trasì,
quanno 'a mamma 'o pruiette, cu nu palpito
'e fede, na fiùra: "Tiè a mammà!"
A 'o piccerillo l'uocchie lle lucettero...
stennette 'a mano e subbeto tuccaie
'a fiurella d''a Maronna 'o Carmene
- "Ce veco!....'A veco! 'A veco!!!... -
po' strillaie.
Mo' nun ghiastemma cchiù Ciccio Bellaria.
Mo' cchiù 'e quatto parole nun l'accocchie....
E 'o miercurì stà dint''a Chiesa 'o Carmene
c''o figlio 'mbraccio...e 'e llacreme 'int'a ll'uocchie.
